30 апрель сәғәт киске 8-ҙә Ҡорама мәҙәниәт йортонда 1 Май байрамына арналған ҙур концерт уҙғарылды. Был концертта беҙҙең мәктәп уҡыусылары ҡатнашты.

Концерт халыҡты янғындан һаҡ булыуҙан иҫкәртеп “Йәш янғын” һаҡлаусылар дружинаһының сығыштары менән башланып китте.

Аҡбуҙат театрына йөрөгән балалар М. Кәримдең “Өс таған” әҫәренән өҙөктө тәҡдим иттеләр.

Бейеү түңәрәгенә йөрөгән балалар үҙҙәренең дәртле бейеүҙәре менән халыҡты дәртләндерҙе.

Музыка мәктәбенә йөрөгән балалар төрлө-төрлө йырҙар бүләк иттеләр.

Килгән ҡунаҡтар, ата-әсәләр  үҙҙәренең балаларының уңыштарына ҡыуанып ҡайттылар.